Улсын гуравдугаар төв эмнэлгийн Зүрх судасны мэс заслын тасгийн хамт олон 3 сартай нярайд Зүрхний болон гол судасны төрөлхийн гажиг засах мэс заслыг өнгөрсөн 6-р сард амжилттай хийжээ. Хагалгаанд орсон хүү өнөөдөр 6 сартай биеийн байдал хэвийн, эрүүл саруул өсөн торниж байна.

 

Энэ төрлийн хагалгааг Улсын гуравдугаар төв эмнэлэг 7 хоногт 2-3 удаа хүүхдэд хийдэг бөгөөд хагалгаа нь оношийн бүлгээс хамааран 2-7 сая төгрөгийн өртгөөр хийгддэг. Үүнийг ЭМД-ын сангаас 100 хувь бүрэн хариуцаж иргэн-даатгуулагчийг эрүүл мэндээс үүдэлтэй санхүүгийн эрсдэлээс хамгаалж байна.

 

Дашрамд сонирхуулахад Улсын гуравдугаар төв эмнэлгийн чадварлаг баг, хамт олон энэхүү нээлттэй мэс заслыг анх удаа 3 сартай нярайд хийсэн юм. Энэ төрлийн мэс заслыг хамгийн багадаа 5-6 сартай хүүхдүүдэд хийдэг боловч бяцхан хүүгийн уушгины артерийн даралт ихэссэнээс яаралтай хагалгааг төлөвлөж хийсэн гэдгийг мэс заслын багийнхан онцолсон юм.