УИХ-ын гишүүн Ц.Сэргэлэн

Гэмт хэргийн зөрчлөөс урьдчилан сэргийлэх асуудлыг чухал асуудал нь хариуцлагын асуудал байдаг юм. Хариуцлагыг цаг алдалгүй шийдвэрлэж чадах юм бол дараа дараагийн гэмт хэргээс урьдчилан сэргийлэх нөлөөтэй байдаг гэдгийг бүгд мэдэж байгаа. Энэ дотроо архидан согтууруулахаас үүдэлтэй нийгмийг цочроосон гэм хэрэг шил шилээ даран гарч байна. Энд дунд цэргийн албан хаагч архитай холбоотой асуудлаас болж хүний амь насанд хүрлээ. Хайран сайхан залуугийн амь нас нь эрсдэлээ. Гол зорилго нь эрх зүйн асуудал дээр нь анхаарч ажиллах нь зүйтэй гэж харж байна. Цэргийн албан хаагчдын эрх зүйн мэдлэгийн тухай хуульд Төрийн албан хаагч ажил үүргээ гүйцэтгэж байхдаа архидан согтуурахыг хориглосон байдаг. Гэтэл энэ хуулийг зөрчвөл яах вэ гэдэг зүйлийг хариуцлагын тогтолцоо дээр тусгаж өгөөгүй юм байна. Хэрвээ архи уухыг хязгаарласан бол хариуд нь уусан бол хална гэж хэлэх ёстой. Миний бодлоор архидан согтуурах юм бол ямар нэгэн тайлбар байхгүй цэргийн албанаас халагдаж байх ёстой. Гэхдээ ялгавартай хандмаар юм шиг байгаа юм. Согтууруулах ундаа хэрэглэсэн тохиолдолд янз бүрийн зан араншин гаргаагүй, бусдын биед халдаагүй байх юм бол хугацаатай халдаг. Мөн хэргээ ухамсарлах хугацаа өгдөг байх.