Улсын Их Хурлын чуулганаар Эрүүл Мэндийн Сайд С.Энхболд үг хэллээ.

Халдварын тохиолдол нэмэгдсээр байна. Өнөөдөр гэхэд 714 тохиолдол батлагдсан байна. Халдварын тоо нэмэгдэж байгаатай холбоотойгоор хүндэрч буй хүмүүсийн тоо ч нэмэгдэж байна. Эрүүл мэндийн салбарын ачаалал өндөр болсон. Вакцины эхний тунг хийлгэсэн хүмүүс өвчлөх магадлалтай тул вакцинжуулалтыг үр дүнтэй болгохын тулд хөл хорио тогтоож тэдгээр хүмүүсийг халдвараас сэргийлэх арга хэмжээ юм. 

Вакцинжуулалттай холбоотой бүртгэлжүүлэлтийн системийг хийсэн. Хоёр тун вакцин хийлгэсэн хүн ямар вакцин хийлгэсэн талаар мэдээллээ англи, монгол хэл дээр хэвлэж авах боломжтой. Халдвар аваад эдгэрсэн хүмүүсийн шинжилгээ 3-6 сар дотор эерэг гарах магадлалтай. Гэхдээ ямар нэг бичиг баримт өгөхгүй. Тухайн иргэдэд мэдээллийг нь өгөөд явж байна. Вакцины дархлаа тогтоцтой холбоотой судалгааг эхэлсэн. Тодорхой үр дүн гарахаар мэдээлэл өгнө.