Ноолуур боловсруулах аж ахуйн нэгжүүдэд 200 тэрбум төгрөгийн хөнгөлөлттэй зээл олгох тухай асуудал "Эрүүл мэндээ хамгаалж, эдийн засгаа сэргээх 10 их наядын цогт төлөвлөгөө"-нд багтаад байгаа. Тэгвэл холбогдох зээлийг өнөөдрөөс олгож эхэлсэн байна. Манай улсын хувьд 2021 онд  9700 орчим тонн ноолуур бэлтгэх урьдчилсан тооцоолол гарчээ. Монгол улсын хувьд дэлхийн түүхий ноолуурын 45 хувийг хангадаг бол ноолуурын нийт экспортын 76 хувийг угаасан, 7 хувийг боловсруулсан ноолуур, 17 хувийг эцсийн бүтээгдэхүүн эзэлдэг байна.