УИХ-ын гишүүн С.Ганбаатар МАХН-аас татгалзаж, АН-ын гишүүн болж АН-ын дарга О.Цогтгэрэлээс намын гишүүний үнэмлэхээ гардаж авсан. Түүний энэ үйлдэл С.Эрдэнийн талын АН-ынханд таалагдахгүй байгаа бололтой.

Тодруулбал Нийслэлийн Ардчилсан намын дарга Э.Бат-Үүл жиргээндээ “Ардчилсан нам бол хэн дуртай нь орж ирээд Ерөнхийлөгчид нэр дэвшдэг MOTEL биш” хэмээн С.Ганбаатарын сонголтыг эсэргүүцлээ. Түүнчлэн тус намын албан ёсны дарга гэгдээд буй М.Тулгат хүртэл түүний энэ шийдвэрийг эсэргүүцсэн байр суурь илэрхийлээд байгаа юм. УИХ-ын гишүүн С.Эрдэнийн хувьд ч бас "Албан ёсны намын даргаас нь батлахаа авах ёстой. Улстөрийн үйлдлийг ойлгож байгаа ч ийм шийдвэр гаргасанд харамсаж байна" хэмээн жиргэсэн байна.