УИХ-ын Дэд дарга, УИХ-ын гишүүн С.Одонтуяа 

Ерөнхий сайд Л.Оюун-Эрдэнэ Засгийн газрын 100 хоногийн уулзалтад хэвлэл мэдээллийнхэнтэй уулзалт хийх үеэр вакциныг гацаасан хүн бол С.Одонтуяа гэж хэлсэн юм. Мөн манай нөхрийг дурдаж байсан. Манай нөхөр төрийн албан тушаалтай хүн биш юм. Миний хувьд вакцины асуудал дээр нөлөөлөх боломжгүй бөгөөд Засгийн газрын ажил гэдгийг бүх хүн мэднэ. Харин вакцины асуудлаар чуулган дээр вакцины мөнгийг төсөвт суулгах, иргэдэд сонголттой хийх эрхийг олгох гэсэн үгийг хэлж байсан. Засгийн газар 100 хоногоо 170 хүний амь насаар угтаж байна гэх үгний хариуд баталгаагүй зүйлийг ярьж байна. Вакцины асуудлыг хурдан бөгөөд гацаахгүй байсан бол нас баралт болон өвчлөл өндөр байхгүй байсан.