УИХ дахь АН-ын бүлгийн долоон гишүүн МАН-ын бодлогыг шүүмжилж нэг намын дарангуйлал тогтлоо хэмээн үзэж долоон хоног улстөрийн нойтон өлсгөлөн зарласан юм. Улмаар УИХ-ын даргын захирамжаар байгуулагдсан ажлын хэсгийн гишүүд хуралдсанаар өлсгөлөн зогсоосон билээ. Энэ үеэр УИХ-ын гишүүн Ж.Батсуурь “Өлсгөлөнг энэ хүргээд зогсож байгаа нь сайн хэрэг. Үүнээс цааш яах байсныг хэн ч таашгүй. Монгол улсын ардчилсан нийгэм алдагдаж, дэглэмтэй нийгэм болчихсон гэдэг нь харагдаж байна. Хэвлэлийн эрх чөлөө бараг хаагдчихлаа. Бүгд эздийнхээ саварт орчихсон. Нэг жишээ хэлье. Бидний өлсгөлөнг 700, 800м газарт ирээд сурвалжлах телевиз алга. Бидний өлсгөлөн МҮОНРТ-ээр, 25-р телевизээр, ТВ5, ТВ9-ээр гарав уу. Арай нэг гаргах гэхээр шууд хаачих юм. Дээр нь хүний эрхийн зөрчил их байлаа. Таавчиктай эмэгтэйгээс болоод Заса төр нь огцорчихдог. Монголын ард түмний 60 орчим хүний саналыг авсан Ардчилсан намын 13 гишүүн хүйтэн шалан дээр найм хонолоо... Ийм ялгаатай, хязгаарлагдмал байна” гэлээ