Н.Түвшинбаяр олимпийн хорооны ТАМГЫГ аваад ЗУГТЖЭЭ
Үйл явдал
/
2021-06-02

Монголын Үндэсний Олимпийн хорооны Гүйцэтгэх зөвлөлийн шийдвэрээр МҮОХ-ны ерөнхийлөгч Н.Түвшинбаярыг үүрэгт ажлаас нь түдгэлзүүлсэн юм.  Гэвч Н.Түвшинбаяр МҮОХ-ны тамгыг авч зугтаасан тухай мэдээлэл гараад байна. Энэ талаар МҮОХ-ноос тодруулахад "Дээрх мэдээлэл үнэн" мэдээлэл өглөө.

Монголын Үндэсний Олимпын хорооны ерөнхийлөгчийн үүргийг түр орлон гүйцэтгэгч Ч.Наранбаатар

Хэрэв Н.Түвшинбаяр Монголын үндэсний олимпийн хорооны тамгыг өгөхгүй бол хууль, цагдаагийн байгууллагаар тус тамгыг хүчингүй болгуулж, ойрын үед үйл ажиллагаагаа сэргээн явуулна" гэдгийг тодотгожээ. Түүнчлэн "Олон улсын олимпийн хорооноос Монголын Үндэсний Олимпийн хорооны ерөнхийлөгч Н.Түвшинбаярт холбогдолтой асуудалд ёс зүйн арга хэмжээ авсан эсэх, мөн тодорхой шийдвэр гаргасан тухай шаардлагыг МҮОХ-нд удаа дараа ирүүлсэн. Тодруулбал, тавдугаар сарын 27-ны өдөр Н.Түвшинбаяр үүрэгт ажилдаа орохоор болсон бөгөөд тухайн өдөр МҮОХ-ны албан ёсны и-мэйл хаягийн нууц үгийг өөрчилж, өөрөө гарын үсэг, тамгаа дараад Олон улсын олимпийн хороо руу "Ажлаа үргэлжлүүлэн хиймээр байна" гэсэн утгатай бичиг явуулсан байсан. Харин Олон улсын олимпын хорооноос хэрэг түвэгт орооцолдсон ерөнхийлөгчдөө ёс зүйн хариуцлага хүлээлгэхгүй байгаа тул ОУОХ-ны Ёс зүйн хороогоор хэлэлцэхэд хүрэх болсныг эргүүлж мэдэгдсэн. Иймд МҮОХ-ны Гүйцэтгэх зөвлөл яаралтай хуралдаж, дүрмийн дагуу гишүүдийн саналаар Н.Түвшинбаярыг МҮОХ-ны ерөнхийлөгчийн үүргээс түдгэлзүүлэхээр шийдвэрлэсэн юм. Биднийг хуралдаж байх хооронд Н.Түвшинбаяр Олон улсын олимпийн хороо руу бичиг хүргүүлээд өөрөө тамгаа аваад явчихсан байсан. Тамганы хувьд бид одоогоор Н.Түвшинбаярт шаардах хуудас өгсөн байгаа. Хэрвээ тамгыг эргүүлж өгөхгүй бол хууль, цагдаагийн байгууллагаар хүчингүй болгуулж, ойрын үед үйл ажиллагаагаа сэргээн явуулах болно гэв.

Сэтгэгдэл:
Таны IP: (3.144.47.218)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.