Боловсрол, шинжлэх ухааны яам боловсролын салбарын эрх зүйн шинэчлэлийн хүрээнд

Боловсролын ерөнхий хуулийн төсөл

Сургуулийн өмнөх болон ерөнхий боловсролын тухай

хуулийн төсөл

Дээд боловсролын тухай хуулийн төсөл

Судалгааны их сургуулийн эрх зүйн байдлын тухай хуулийн төслийн шинэчилсэн найруулгыг боловсруулсан юм.

Боловсрол, шинжлэх ухааны сайд болон Хууль зүй, дотоод хэргийн сайдын хамтран баталсан шинэчилсэн үзэл баримтлал болон зарим нэмэлт шинжилгээний үндсэн дээр хуулийн төслүүдийг дэлхий нийтийн чиг хандлагад нийцүүлэн тодорхой болгож, орхигдсон зарим харилцааг нэмж тусгасан. Үүнд:

Амьдрах орчноос суралцах асуудлыг боловсролын тогтолцооны салшгүй хэсэг гэж хүлээн зөвшөөрөх;

Заавал эзэмших боловсролыг 1-12 анги байхаар тусгах;

Иргэний эзэмшсэн мэдлэг, чадвар, төлөвшлийг ангилан төрөлжүүлэх, түвшнээр эрэмбэлэх мэргэшлийн үндэсний шаталсан бүтцийг бий болгох;

Англи хэлний боловсрол олгохтой холбоотойгоор “Үндсэн гадаад хэл нь англи хэл байна” гэсэн эрх зүйн зохицуулалтыг тусгах;

Бүх шатны боловсролын чанарын баталгаажуулалтын асуудлыг тусгах;

Боловсролын сургалтын байгууллагын бүтэц, статус, чиг үүрэг, тэдэнд тавигдах шаардлагыг оновчтой болгох;

Төрийн болон орон нутгийн өмчийн цэцэрлэг, ерөнхий боловсролын сургуулиудыг суурь болон хувьсах зардал, үр дүнд чиглэсэн нэмэлт санхүүжилтийн зарчимд шилжүүлж, боловсролын санхүүжилтийг боловсролын үйлчилгээний гүйцэтгэл, чанар, үр дүнд чиглэдэг болгох;

Сурлагын ахиц дэвшлийн үнэлгээний тогтолцоог бий болгож, сургалтын чанарт суурилсан багшийн ажлын үнэлэмж, цалин, урамшуулал, нийгмийн баталгааг боловсронгуй болгох зэрэг болно. Багш нар маань 2 ажил хийгээд байгаа нэг ийм зовлон байна. Цахим болчихсон мөртлөө дахиад цаасаар тайлан мэдээллээ өгдөг. Энэ нь багш нарт маш их илүү ачаалал өгдөг. Нэгэнт цахимд шилжсэн л бол дахиж тайлан мэдээг цаасаар авах шаардлагагүй гэж үзэж байна. Менежментийн системийг хөгжүүлж байж Боловсролын удирдлага, чанар, гүйцэтгэлийн асуудлууд яригдана. Одоо 2022 оныхоо төсвийг үр дүнд чиглэсэн санхүүжилтийн тогтолцоонд шилжүүлж байгаа учраас багшийн ажлыг дүгнэх, сурагчдын мэдлэгийн ахиц, дэвшлийг үнэлдэг үнэлгээний системийг гаргаж ирэхээс өөр арга байхгүй. Манай Боловсролын Үнэлгээний Төвд ийм платформыг хийгээд бэлэн болж байгаа. Үүнийгээ бид ирэх намраас үе шаттайгаар хэрэглэж, илүү үр дүнд чиглэсэн санхүүжилтийг уясан ийм ERP системийг нэвтрүүлнэ. ERP бол хүний нөөцийн бүх мэдээлэл, наад зах нь салбарын урсгал зардлын бүх мэдээлэл ил тод байлгах систем. Ер нь цаашдаа боловсролын 4 том байгууллагаа их чадавхжуулах ёстой.