Эрх баригч намынхан албан тушаалын бялуугаа хуваагаад тунчиг завгүй байгаа бололтой. Энэ намд ХААН байсан У.Хүрэлсүх өчигдөр тангараг өргөн Төрийн тэргүүн болов. Өглөөсөн нь Ерөнхий сайд Л.Оюун-Эрдэнэ намын дарга гэсэн давхар дээлийг давхарлаж өмссөн. Ингэсгээр тэр МАН-ын 12 дахь дарга болов.

Тэд өөрөөс нь салж нэг хэсэг гудамжид гарч, цагтаа АН-тай ч сүй тавьж, Засгийн газарт өвөр түрийдээ орж явсан МАХН гэх 10 настай намыг уусгасан. Олон нийтийн зүгээс хоёр намын удирдлагууд томоохон тохироонд хүрсэн гэлцэж буй. Ямартай ч Засгийн газарт хэд хэдэн сайдын суудал амлаад байгаа.

МАН-ын удирдлагууд амласан ёсоороо намынхаа зарим албан тушаалаар МАХН-аас орж ирсэн нөхдүүдийг шагнаж, нүдлийг нь хуурч эхэлжээ. Тодруулбал өнөөдөр болсон /2021.06.26/-нд болсон МАН-ын бага хурлаар МАХН-ын Ерөнхий нарийн бичгийн даргаар ажиллаж байсан Б.Тулгыг МАН-ын орон тооны нарийн бичгийн даргаар томилж, удирдлагын багтаа оруулжээ. Түүнчлэн УИХ-ын гишүүн Д.Сарангэрэл, Ерөнхийлөгч У.Хүрэлсүхийн хүн гэгдэх М.Энхбаатар, Ц.Чулуунзагд нарыг орон тооны нарийн бичгийн даргаар томилжээ. Ингэснээр Л.Оюун-Эрдэнэ, Д.Амарбаясгалан нарын удирдлагын шинэ баг бүрдлээ.