Маргааш буюу долдугаар сарын 9-ний өдөр хүүхдийн мөнгийг олгохоор болсон тухай Хөдөлмөр, нийгмийн хамгааллын сайд А.Ариунзаяа мэдээллээ.

УИХ-ын нэгдсэн чуулганы өчигдрийн хуралдаанаар Монгол Улсын 2021 оны төсвийн тодотгол баталсан. Ингэхдээ ковид цар тахлын үед ард иргэд, өрх гэр бүлийн орлого хамгаалах чиглэлд Хүүхдийн мөнгөний хэмжээг 5 дахин нэмэгдүүлсэн дүнгээр буюу 100 мянган төгрөгөөр 2022.01.01 хүртэл үргэлжлүүлэн олгох шийдвэр гарсан.