Монгол Улсын Ерөнхийлөгч асан Халтмаагийн Баттулга төрийн тэргүүний ажлаа У.Хүрэлсүхэд шилжүүлэн өгсөнөөс хойш хэсэг чимээгүй байв. Тэгвэл тэрбээр өөрийн удирдаж байсан ЖУДО бөхийн холбооны тамирчдаа дэмжихээр өнөөдөр ТОКИО руу нисчээ. Манай улсын хувьд Жүдо бөх, байт харваа, ширээний теннис, усанд сэлэлт, буудлагын баг тамирчид болон МҮОХ, БТСУХ-ны удирдлагууд, хэвлэл мэдээллийнхэн нийлсэн 72 хүний бүрэлдэхүүнтэй баг өнөөдөр өглөө Токио хотыг зорьж байна. Токиог зорих хамгийн өргөн бүрэлдэхүүнтэй багийг Япон Улсаас Монгол Улсад суугаа Элчин сайд Кобаяаши Хироюүки үдэн гаргаж өгчээ.