Ус үерт автаж их бага хэмжээний хохирол амссан айл өрх, аж ахуйн нэгжүүд олон байна
Үйл явдал
/
2021-07-29
Жиргэх
Ус үерт автаж их бага хэмжээний хохирол амссан айл өрх, аж ахуйн нэгжүүд олон байна. Өнөөдөр аймгийн Засаг дарга Р.Сэддорж болон албаны бусад хүмүүс зарим айлуудын байдалтай газар дээр нь очиж танилцлаа.
 
Дээврээс ус орохоос гадна засмал замд боогдсон үерийн усанд автаж ихээхэн хохирол амсаад амьдрах нөхцөлгүй болсноо хэлж байгаа айлууд байна. Мөн яаж ч өндөрлөж шороо асгаад нэмэргүй усанд автаж, хашаандаа ч орж гарах боломжгүй болдог, бороотой жилүүдэд түр хугацаанд нүүдэг айлууд ч Их Уулын гудамжинд байна.
 
Иймд ард иргэдийнхээ амссан хохирлыг дахин давтахгүйн тулд үер урсаж байгаа болон ус ихээр хуримтлагдаж байгаа газруудын бүрэн зураглал гаргаж, дрон нисгэж зурагжуулан баримтжуулсан бөгөөд бүх байршил чиглэлийг тодорхойлж орон нутгийн бодлогоор арга хэмжээ авах талаар аймгийн Засаг дарга хэллээ.
 
Мөн ажлын хэсэг гаргаж хохирол амссан айл өрхийн судалгааг гаргах юм. Тэдгээр айлуудад тодорхой хэмжээнд төрийн дэмжлэг үзүүлэх талаар Засаг дарга онцоллоо.
 
Өмнөговь аймгийн хэмжээнд ойрын өдрүүдэд хур бороотой байсны улмаас, үер ус ихэсч хатуу хучилттай автозам эвдэрч иргэд зорчигчдод эрсдэл үүссэн. Тиймээс аймгийн Засаг даргын захирамжаар Улаанбаатар-Даланзадгад, Даланзадгад-Баяндалай чиглэлийн замын хөдөлгөөнийг тодорхойгүй хугацаагаар хязгаарласан байсан бөгөөд 7 сарын 27-ны өдрөөр тухайн шийдвэр хүчингүй болж зөвшөөрөгдсөн 5 төрөл дээр зорчих хөдөлгөөнийг нээж байна.
 
Албан томилолтыг УОК зөвшөөрлөөр нэвтрүүлнэ.
Сэтгэгдэл:
Таны IP: (52.14.151.45)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Улаанбаатар хотын авто замын түгжрэлийг бууруулах чиглэлээр “Google” компанитай хамтран ажиллана

6 цаг 3 мин

Энэ амралтын өдрүүдэд зам засварын ажил хийгдэхгүй

10 цаг 16 мин

Л.ЭНХ-АМГАЛАН: Цалин тэтгэврийг, инфляцитай уялдуулж нэмнэ

10 цаг 20 мин