Уулзалтын хүрээнд “Барилгын хөгжлийн төв” ТӨУҮГ-аас хүн амын нутагшилт, суурьшлын хөгжлийн ерөнхий төслийн төлөвлөлт ба шинэ Зуунмод хот, Хан-Уул дүүрэгт хэрэгжиж буй хөрөнгө оруулалт бүтээн байгуулалтын ажлын талаар мэдээлэл хийж, барилга байгууламжийн зураг төсөл, магадлал хийх болон захиалагчийн техникийн хяналт талаар мэргэжил арга зүйн зөвлөгөө өглөө. Түүнчлэн хөрөнгө оруулалт бүтээн байгуулалтын ажлын явцыг эрчимжүүлэх, тулгамдаж буй асуудлуудыг түргэн шуурхай шийдвэрлэх тал дээр хамтран ажиллахаар боллоо.

Уулзалтад Засаг даргын Эдийн засаг, төлөвлөлт, хот тохижилтын асуудал хариуцсан орлогч С.Сайнбаяр, Засаг даргын Тамгын газрын дарга С.Энхбаяр болон холбогдох хэлтсийн дарга, хороодын Засаг дарга нар мөн Барилгын хөгжлийн төвийн Захирал Ц.Амарсанаа, Дэд захирал бөгөөд Ерөнхий инженер Б.Энхболд болон холбогдох хэлтсийн дарга, албан хаагчид тус тус оролцлоо.