Монгол Улсын Ерөнхийлөгч Ухнаагийн Хүрэлсүхийн санаачилсан "Хүнсний хангамж, аюулгүй байдал" үндэсний хөдөлгөөний нээлтийг Баянхонгор аймагт 2022 оны 11 дүгээр сарын 03-ны өдрийн 09:00 цагт аймгийн Хөгжимт драмын театрт зохион байгуулахаар төлөвлөн ажиллаж байгаа юм.

Тэгвэл “Хүнсний хангамж, аюулгүй байдал” үндэсний хөдөлгөөнийг орон нутагт зохион байгуулахаар Монгол Улсын Ерөнхийлөгчийн зөвлөх Б.Даваадалайгаар ахлуулсан ажлын хэсэг аймгийн Засаг дарга Д.Мөнхсайхан, ХХААГ-ын дарга У.Балжинням нартай уулзаж бэлтгэл ажил, хамтын оролцоо, хэрэгжүүлэх арга хэмжээний талаарх төлөвлөгөөг хэлэлцэж байна.

Улс орон даяар "Хүнсний хувьсгал"-ыг эрчимтэй өрнүүлж, дэвшүүлсэн зорилго зорилтоо ажил хэрэг болгохын төлөө хэрэгжүүлэх арга хэмжээ, цаашдын чиглэлийн талаар танилцуулагдах тул иргэд, хөдөлмөрчид, баялаг бүтээгчид, эрхэм та бүхнийг “ХҮНСНИЙ ХУВЬСГАЛ” ХӨДӨЛГӨӨНД өргөнөөр оролцохыг урьж байна.