МУ-ын 2023 оны төсвийг хэлэлцэж эхлэхэд Эрчим хүчний сайдын багцаас гэр хорооллын айл өрхүүдийн шөнийн эрчим хүчний тарифын хөнгөлөлтөд шаардагдах мөнгийг хассан байсан. Харин иргэдтэйгээ хийсэн уулзалтуудын үеэр айл, өрхүүдэд хамгийн их дэмжлэг болж байсан шөнийн тарифын хөнгөлөлтийг цаашид үргэлжлүүлэхийг хүсэж, 80 мянга орчим иргэний гарын үсэг цуглаж, шийдвэрлэж өгөхийг хүссэн юм. Миний бие олон нийтийнхээ саналыг бодит тооцоо судалгаан дээр үндэслэн шат шатанд нь уламжилж ажиллалаа.

Тодруулбал, УИХ-ын чуулганы хуралдааны үеэр уг асуудлыг хөндөж, МУ-ын Ерөнхий сайд Л.Оюун-Эрдэнэ шөнийн тарифын хөнгөлөлтийг үргэлжлүүлэх нь зөв хэмээн үзсэн бөгөөд МАН-ын бүлгийн гишүүдийн олонх дэмжсэнээр улстөрийн шийдвэр гаргасан юм. Мөн Байнгын хороо, Төсвийн ажлын хэсгүүдийн хуралдаанд зөвхөн нийслэл бус орон нутагт ч гэр хорооллын айл, өрхүүдийн шөнийн тарифын хөнгөлөлт үргэлжлэх ёстой хэмээн үзэж, төсвийг нь баталлаа.

Олон нийтийнхээ санал, хүсэлтийг шат шатанд нь уламжилж, хамтдаа үр дүнд хүрсэндээ баяртай байна