Хүнс, хөдөө аж ахуй, хөнгөн үйлдвэрийн сайд Х.Болорчулуунаас цаг үеийн асуудлаар тодрууллаа. Тэрбээр "Манай гурилын үйлдвэрүүдээ дөнгөж хангах хэмжээний л улаан буудай авсан. Ингэлээ гээд ОХУ-с улаан буудай авахгүй. ОХУ энэ жил ойрын тавин жилд байгаагүй хэмжээний будаа авсан. 150 тонн сая будаа авсан. Өнгөрсөн жил  ОХУ-аас 240 тонн буудай авсан. Энэ нь дотоодын үйлдвэрүүдийнхээ бизнесийг хаасан зүйл болсон. Ахиж ийм зүйл болохгүй" гэдгийг Х.Болорчулуун сайд онцоллоо. Мөн тэрбээр "Махны экспортын асуудлыг цаашдаа ганцхан ХӨДӨӨ АЖ АХУЙН ЯАМ бүрэн хариуцна. Тэгэхгүй бол одоо гурван өөр чиглэлээр мах гадагш гардаг болчихлоо. Малын мах эрүүл л бол асуудалгүй, олон шат дамжлагагүйгээр гардаг байх ёстой" гэв