Чуулганд Хэнтий, Сүхбаатар, Дорнод аймгийн үндэсний үйлдвэрлэгч, хоршоод оролцож, Жижиг, дунд үйлдвэрийг хөгжүүлэх сангийн хөнгөлөлттэй зээлээс гадна олон улсын төсөл хөтөлбөрүүдэд хамрагдаж, үйл ажиллагаагаа өргөжүүлэх нөхцөлийг бүрдүүлэх, үйлдвэрлэгчид болон төсөл хэрэгжүүлэгчдийг биечлэн уулзуулж, харилцан мэдээлэл солилцох боломжийг олгосон нь энэхүү чуулганы гол үр дүн байлаа. 

Засгийн газрын хэрэгжүүлэг агентлаг Жижиг, дунд үйлдвэрийн газрын дарга Я.Эрдэнэсайхан Жижиг, дунд үйлдвэрийг хөгжүүлэх сангаас олгох зээлд хэрхэн хамрагдах талаар чуулганд хүрэлцэн ирсэн үндэсний үйлдвэрлэгч, баялаг бүтээгчдэд танилцуулга, мэдээлэл өглөө. Тэрбээр мэдээллийнхээ эхэнд “Жижиг, дунд үйлдвэрийг хөгжүүлэх сангаас олгох зээлийн 70-аас дээш хувийг хөдөө орон нутагт үйл ажиллагаа явуулж байгаа үйлдвэрлэгчдэд олгох тухай сайдын тушаал гарсан. Ингэснээр орон нутагт үндэсний үйлдвэрлэл эрхлэхэд илүү олдоно боломж гэсэн үг” гэсэн юм.