2021 оны 12-р сарын 29-нд Баянзүрх дүүргийн 6-р хороонд байрлалтай Монгол Улсын анхны Ерөнхий сайд Т.Намнансүрэнгийн амьдарч байсан "Гоожингийн өндөр" түүхэн башилгыг хамгаалалтад авах захирамж гарч байсан. Үүний дараагаас нийслэлийн удирдлагууд Түүх, соёлын үл хөдлөх дурсгалыг хууль зөрчин бусдын өмчид шилжүүлсэн нь хууль зөрчиж байгаа гэж үзэн шүүхэд хандсан юм. Тэгвэл Захиргааны хэргийн давж заалдах шүүхээс 12-р сарын 15-ны өдөр шийдвэр гарч "Гоожингийн өндөр"-ийг нийслэл мэдэлдээ авч чаджээ.

Ингэснээр төр нийгмийн зүтгэлтэн, Монгол улсын анхны Ерөнхий сайд Т.Намнансүрэнгийн амьдарч байсан "Гоожингийн Өндөр"-ийг сэргээн засварлаж, музей болгох ажил эхэлж байна.