УИХ-ын гишүүн Ч.Ундрам архидан согтуурсан үедээ гэр бүлийн хүчирхийлэл үйлддэг, цаашлаад өсвөр насны охиндоо гар хүрч байгаа бичлэгийг түүний нөхөр Б.Наранцацралт олон нийтийн сүлжээнд тавьсан. Тэгвэл төр түшиж байгаа хүний хувьд байж боломгүй үйлдэл учраас түүнийг УИХ-ын гишүүний суудлаасаа буухыг олон нийт шаардсаар байгаа. Тэгвэл түүний талаарх гомдол олон ирсэн учраас ёс зүй сахилга хариуцлагын  байнгын хороогоор түүний асуудлыг хэлэлцэж, ёс зүйн зөрчил гаргасан эсэхийг тогтоох юм.

Тэгвэл түүнийг ёс зүйн зөрчил гаргасан гэж хэрвээ үзвэл сануулга өгөх, уучлал гуйхыг үүрэг болгох, цалингийн хэмжээг 6 сараар хасах л арга хэмжээ авах юм. Хуулиндаа ингэж заасан учраас өөр ямар нэг арга хэмжээ авагдахгүй гэсэн үг юм. Тиймээс УИХ-ын гишүүнийг эргүүлэн татах арга хэмжээ авагдахгүй учраас энэ байнгын хорооны шийдвэрээс хүлээх хүлээлт ард иргэдэд алга гэсэн үг. Ёс зүй сахилга хариуцлагын  байнгын хороо 10 гишүүнтэй бөгөөд 9 эрэгтэй 1 эмэгтэй гишүүн түүнийг ёс зүйн зөрчил гаргасан эсэхийг хэлэлцэх юм. Байнгын хорооны гишүүд

1. Ш.Адьшаа
2. Х.Баделхан
3. Б.Баттөмөр
4. Б.Бат-Эрдэнэ
5. Б.Баярсайхан
6. Б.Бейсен
7. С.Бямбацогт
8. Ж.Мөнхбат
9. Л.Энх-Амгалан
10. Б.Энхбаяр