УБТЗ-ын Тээвэр зохион байгуулалтын албаны орлогч даргa С.Батдөлийн гэр, хамаарал бүхий этгээдийн объектоос бэлэн 7 тэрбум төгрөг, 3 тэрбум төгрөгийн үл хөдлөх хөрөнгийн гэрчилгээ хураан авсан.

Улмаар хорих 461-р ангид нэг сарын хугацаатай хоригдож байгаа юм. Цаашид мөрдөн шалгах ажиллагаа явагдаж байгаа бөгөөд хэргийн эцсийн шийдвэр, дүгнэлт гараагүй байгаа юм.

Энэ хэрэгт холбогдуулаад УБТЗ-тай холбоотой авлига хээл хахуулийн хэргүүд удаа дараа сөхөгдсөөр байна. Босоо удирдлагатай гэх энэхүү компанид ганц дан орлогч дарга хээл хахуулийн ноцтой хэргийг үйлдэх боломжгүй гэх хардлага төрөөд байгаа юм. Хардлагыг арилгахын тулд, энэ мэт хэрэг хийгээгүй гэдгээ нотлуулахын тулд  Д.Амарбаясгалан, Х.Хэрлэн тэргүүтэй Улаанбаатар төмөр замын дээд албан тушаалтнууд шалгуулах нь зүйн хэрэг.