Монголын Мянганы Сорилтын сан "Баран Груп Лимитед" ХК хамтран "Улаанбаатар хотын Ус хангамжийн баруун шинэ эх үүсвэр" төслийн ус дамжуулах шугам хоолойн бүтээн байгуулалтын барилгын ажлыг гүйцэтгэх гэрээ байгуулан ажиллаж байна.

Тус ажлын хүрээнд Сонгинохайрхан дүүргийн 20, 32 дугаар хорооны нутаг дэвсгэрт хэрэгжүүлж буй "УЛААНБААТАР ХОТЫН УС ХАНГАМЖИЙН БАРУУН ШИНЭ ЭХ ҮҮСВЭР" төслийн бүтээн байгуулалтын бүрэлдэхүүн хэсгүүд болох ТҮҮХИЙ УС ДАМЖУУЛАХ ШУГАМ ХООЛОЙ, ЦЭВЭР УС ДАМЖУУЛАХ ШУГАМ ХООЛОЙ суурилуулах ажлын төслийн танилцуулах уулзалтыг өнөөдөр зохион байгууллаа.

Уулзалтад дүүргийн Засаг даргын орлогч Д.Ундармаа, “Монголын Мянганы Сорилт сан”-ийн мэргэжилтнүүд, “Баран груп лимитед” ХХК-ийн монгол дахь төлөөлөгчийн газрын дарга болон мэргэжилтнүүд, дүүргийн холбогдох хэлтсийн мэргэжилтнүүд оролцлоо. Уг төслийн бүтээн байгуулалт, оролцогч талуудын талаарх мэдээллийг өгч, санал солилцлоо.