Усан туулай жилийн шороон үхрийн зурлага

Гандантэгчэнлин хийдийн зурхайч Д.Цогтбаатар:  Үзэсгэлэн болгогч” хэмээх Усан туулай жилд “Улсын хөгжил саарч ард түмний амьдрал доройтно” хэмээн зурхайн шүнд айлдсан байна.

Шороон үхрийн зурлагыг шинжих нь:

Үхрийн толгой, эвэр, сүүл, чих, омруу нь хөх, дөрвөн шийр нь улаан, бие нь ногоон, ходоод нь цагаан байна.

Үхэр хариулагч нь улаан царайтай өвгөн хүмүүн хөх дээлтэй, шар бүстэй, улаан царайтай, үхэр хариулаач өвгөн хүмүүн байх агаад гэзэг үс нь баруун чихний ар ба зүүн чихний өмнүүр хийссэн, олсон шилбүүр бариад, хоёр гутлаа өмссөн. Үхэр хариулаач үхрийнхээ өмнө яаран гүйж явна.

Үхрийн зурлагад цэнхэр өнгө голлосон нь бороо хур элбэгтэй, өвс ногоо, цэцэг, их дэлгэрэх. Энэ жилийн дундуур өвс ногоо сайтай, улирал бүрийн эхээр хур ихтэй, салхи шуурга ихтэй, улирлын сүүлээр хур бага байна. Өвгөдөд амгалан, залууст дунд зэрэг, нялхсыг энхрийлүүштэй жил гарч байна.