Үнэхээр хур тунадаст нөлөөлөөд бороо хур ихсэж малчид, тариаланчид нуруу тэнэгэр, сэтгэл өег амьдраад байгаа юу гэтэл харин ч эсрэгээрээ. Баруун таван аймгийн дийлэнх нутаг харын болон цагааны зудтай байгаа.

Нэг тэрбум шахуу төгрөгөөр хэчнээн цэцэрлэг барьж байгуулахыг тооцож, тооцоолж үзсэн болов уу?

Хур тунадас нэмэгдүүлэх пуужинд тавигдсан төсөв "Хэмнэлтийн тухай хууль"-ийн 15.1.6 дахь заалтыг зөрчиж байна.

Цаг агаарт зориудаар нөлөөлж хур тунадасын хэмжээ нэмэгдэж байна гэсэн ганц дорвитой судалгаа, шинжилгээ гаргаад ирвэл төсөвт суутгагдсан энэ их зардлыг нүдээ тас аниад өнгөрөөж болох ч энэ төсөв нэмэгдэхийн хэрээр Монголын газар нутагт ган гачиг ихсэх болсныг анзаарч л байгаа байх.

Зориудаар бороо оруулах төхөөрөмж жил ирэх тусам төсөвт өртөг нь нэмэгддэг зардал өндөртэй, үр дүн муутай ажил. 

Тэрбум шахуу төгрөгийн зардал гаргасны үр ашиг хаана гарч, хэнд мэдрэгдэж байгаа вэ? С.Энхтүвшин даргаа!!! Татвар төлөгчдийн мөнгийг салхинд хийсгэж, агаарт пуужин болгож харваад баймааргүй л байхсан!!!