Чингэлтэй дүүргийн нэгдүгээр хороо, "Мөнгөн завьяа" автобусны буудал дээр байршуулсан зөвшөөрөлгүй түргэн үйлчилгээний цэгүүдийг албадан нүүлгэн, газар чөлөөлөлтийн ажил явагджээ. 

Зөвшөөрөлгүй байрлуулсан түргэн үйлчилгээний цэгүүд нь гудамж, зам талбай, автобусны буудлын үзэгдэх орчныг хааж, зорчигчдын хөдөлгөөнд саад учруулж, нийтийн тээврээр үйлчлүүлж байгаа иргэд осол аваарт өртөх эрсдэлийг дагуулж, орчны бохирдол ихээр үүсгэж, Тамхины хяналтын тухай хууль зөрчиж үйл ажиллагаа явуулж ирсэн байна. 

Цаашид үе шаттайгаар зөвшөөрөлгүй түргэн үйлчилгээний цэгүүдийг нүүлгэж, газрыг чөлөөлөхөөр ажиллаж байгааг Чингэлтэй дүүргээс мэдээлэв.