Төвд шахам байрлалтай ч хуучны орон сууц дунд байрлах хаяг тэмдэггүй нууцлаг. “Cotton cat cake”-ны "эзэд" нь муурнууд. Энэ ч үүднээс тэдний гэр нь энэ кафе юм.

Орчин нь сандал, ширээ, буйдан бас тоглоом. Зөвхөн тэдэнд зориулагдсан. Муурнууд хүссэн газраа хэвтэж, тоглож бас үүрэндээ унтаж бусдыг ч тоохгүй. Зарим нь хоолоо идчихээд залхуутай гэгч нь суниаж цонхоор харах бол зарим нь хүмүүст эрхэлж тоглох шинэлэг ч юм шиг. Энэхүү муурны кафе нь Монголдоо анхдагч гэдгээрээ их сонирхолтой.

Үүдээр нь ороход гутлаа тайлж углааштай орно. Гараа угаасны дараа аяга цай, кофе уух зуур буйдан дээр тухлангаа хөгжим сонсож, хайртай амьтнаа энгэртээ тэврээд юу ч бодохгүй сууж болохоор. Яг л гэртээ байгаа юм шиг тав тухтай халуун дулаан амар тайван орчин угтана.

КАФЕД 2-20 САЯЫН ҮНЭТЭЙ ХОВОР МУУРНУУД БИЙ

Муурнуудын тухайд Монголд үнэтэй бас ховор үүлдрүүдийг эндээс л харж болохоор. Багадаа л 2 сая төгрөгөөс 20 сая хүртэл төгрөгийн үнэтэй сиами, ангор, бритиш, сфинкс, манчкин зэрэг ховор үүлдрийн 15 муур бий. Бүгд л өөрсдийн гэсэн өвөрмөц зан чанар, ааш араншинтай.

Энд хамгийн эрх бас үнэтэй муур нь Maine Coon

Нэг настай ч 5 кг жинтэй. Мейн Кун эрх, дураараа, ууртай. Уурлахдаа сарвуугаа усанд дүрж шал, ширээ энд тэнд гүйж харайж шавхай тарьдаг гэнэ шүү.

Хамгийн ааштай муур болох Берри

Мөн сфинкс үүлдрийн муур. Үсгүй гэдгээрээ онцлог. Нохойтой төстэй ааштай. Тоглохдоо шидсэн зүйлсийг  эзэндээ авчирч өгдөг ч уурлахдаа хазах гэнэ. Харц нь ширүүн ч тайван.  Гэхдээ найрсаг биш. Тэр бүр тоглоом тоохгүй, удаан тэврүүлэхгүй, зөөлөн хэвтэр дээрээ шигдээд унтаж байх л дуртай бололтой. Энэ муур нь үсгүй учраас даарвал хамар, сүүлний үзүүрт нь үс ургаж гоозүй нь алдагддаг байна. Тиймээс аль болох дааруулахгүй байх хэрэгтэйг зөвлөж байлаа.

Эелдэг, даруу нэгэн бол Цасхан

Туркийн ангор үүлдрийн муур бөгөөд энд хамгийн найрсаг, эелдэг нь. Бас тоглох дуртай.

Манчкин буюу Пони. Богино хөлтэй, өсдөггүй

 Маш бүрэг ичимхий муур. Түүнийг ОХУ-аас авчирчээ. 6 саяас дээш төгрөгийн үнэтэй. Пони шувуунд дуртай, чимээг нь сонсоод л чих нь сортолзож нүдээ бүлтийлгээд гарч ирдэг ч энэ удаа танихгүй хүмүүстэй танилцахыг хүссэнгүй.

Энд хамгийн ихэмсэг муурнууд нь Бритиш

Өнгө, зүсээрээ ялгаатай. Тэр бүр хүмүүст эрхлэхгүй, хоолоо идчихээд л цонхоор ширтэж, буланд хэвтэж, ширээн дээгүүр алхална. Бас л удаан тэврүүлэхгүй. Мөн л унтамхай. Таарсан газартаа л унтаж байх. Энэ мэтчилэн найрсаг, зөрүүд, залхуу, зожиг гээд муурнуудын ааш бүгд л харилцан адилгүй.

Cotton of cafе-ны нэрний утга учир болох Cotton

Бие султай нэгэн. Түүнийг Монгол улсаас авж байх тухайн үед ясны сийрэгжилтэй байсан болохоор ширээнээс үсрээл буухдаа бэртчидэг. Мөнч олон удаа амьтан тамлаж байхаар унтуулчихдаг юм билүү гэсэн бодол төрсөн ч чадаагүй дээ. Бяцхан ханхүү шүү дээ.

Адам бол хамгийн жоохон, сахилгагүй залуу

Дүрсгүй гэж чигтэйхэн, ядрахаа мэддэггүй цоглог, тоглох дуртай залуу.