Намайг 2021 оноос эхлээд л машины тээвэр дээрт оролцсон, хил нээгдэх үед чингэлэг тээвэр дээр зохион байгуулалт хийж, баяжих гэж байна гэж гүтгэсээр ирсэн.  Төрийн төлөө шударгаар зүтгэх гэсэн зарчим маань зарим нэг хүмүүст таалагддаггүй бололтой. 

Яг өнөөдрийг хүртэл нүүрсний хэргээр дуудсан, асуусан байцаасан зүйл байхгүй байна. Асуухгүйгээр яллах дүгнэлт гаргаад явдаг юмуу эсвэл. Нүүрсний хэрэгт ямар нэгэн оролцоо байхгүй гэдгийг албан ёсоор хэлье. 

Гэр бүлийн хүнийг маань сүүлийн үед их бичиж, гүтгэж байна. Эхнэр маань 2022 оны 12 дугаар сарын 15-наас ээлжийн амралтаа авсан. Оролцсон гээд байгаа хурал нь 12 дугаар сарын 23-нд болсон. Гэвч гарын үсгийг нь дуурайлгаж зурсан байсан. Намайг муухай харагдуулахын тулд хийсэн ажил байх.

Төрд шударгаар ажиллах зарчмыг өнөөдрийг хүртэл барьж ирсэн. Цаашдаа ч барьсаар байх болно. Манай хүүд ямар нэгэн тээвэр зуучийн компани байхгүй. Эмчилгээтэй байхад нь дуудаж уулзсан байсан. Манай хамаатан, садан дунд ганц нэг ачааны портер машинтай ганц нэг л хүн бий.