УИХ-ын гишүүн, МАН-ын бүлгийн дарга Д.Тогтохсүрэн тойрогтоо буюу Өвөрхангай  аймгийн Хархорин суманд  ажиллах үеэрээ иргэдэд дугтуйтай мөнгө тараасан гэх бичлэг цахим орчинд цацагдсан.

Эл асуудалтай  холбогдуулан тодруулахад “Сумынхаа 5-6 ахмадад  хүндэтгэл үзүүлсэн. Дугтуйнд 20 мянган төгрөг байсан, нуух юм байхгүй. Ардчилсан намын нөхдүүд бичлэг хийгээд цахимд  тараасан. Би хууль зөрчөөгүй. Санал худалдаж авах гэж байгаа хүн мөнгө ил тараадаггүй байх. Тараагаад  байх мөнгө ч байхгүй” гэлээ.