Тодруулбал, цагдаагийн байгууллагад дөрөвдүгээр сарын 21-ний өдрийн 15:55 цагт Сэлэнгэ аймгийн Сайхан сумын хоёрдугаар багт "Байшин шатаж байна" гэх дуудлага, мэдээлэл бүртгэгдсэн.

Сэлэнгэ аймгийн цагдаагийн газраас шалгалтын ажиллагаа явуулахад Сайхан сумын иргэн "Ч"-ийн эзэмшлийн хүн амьдардаггүй байшинд тус суманд оршин суудаг долоон настай гурван хүүхэд гал тавьсан нь тогтоогджээ. 

Уг үйлдэлд мөрдөн шалгах ажиллагаа явуулж байгаа аж. Хүүхдүүддээ тавих хараа хяналтаа сайжруулахыг цагдаагийн байгууллагаас зөвлөлөө.