Урлан бүтээх төвийн замын эсрэг талд байрлах  “Дундгол” пянзны кафе гэсэн хаяг цаанаа  л нэг содон бас хэн хүний анхаарлыг татмаар. Дотор нь их содон хэв маягаар тохижуулсан байдалтай. Цаанаа л нэг энгийн агаад бас чамин. Хаалга татан ороход пянз эргэлдэж, ая эгшиглэх нь өдгөө тэр цагт очсон мэт мэдрэмж төрнө. Тайтгарал, тайвшралыг нэгэн зэрэг мэдрэх энэ л агшин тэнд бүрэлдсэн мэт.

Б.Батболд: Пянзны соёлыг дэлгэрүүлэхийн тулд кафегаа нээж байсан. Харин одоо тодорхой хэмжээнд энэ соёл манайд дэлгэрч, монгол хамтлагууд цомгоо пянз хэлбэрээр гаргаж байгаа учир үр дүнд хүрсэн гэж бодож явдаг. Миний хувьд пянзнуудаа цуглуулж байгаад дэлгүүр болгосон байгаа. Манайд 1990 оноос өмнө орж ирсэн  бүх төрлийн пянзнууд байна. Хуучин социалист орнуудын ардын хөгжмүүд их байна. Зөвлөлт холбоот улсын ардын болон стради  хөгжмүүд байна.