Нүүрсний хулгайчдын нэрсийг ил болго хэмээн залуусын жагсаалыг удирдаж байсан жүжигчин У.Цогтбаяр ГЭР БҮЛИЙН ХҮЧИРХИЙЛЭЛ үйлдэж, эхнэрээ хэл амаар доромжилсон хэргээр Хан-Уул дүүргийн цагдаагийн хоёрдугаар хэлтэст шалгагдаж байгаа аж.

Тодруулбал, Хан-Уул дүүрэг дэх цагдаагийн газрын хоёрдугаар хэлтэст 2023 оны 04 дүгээр сарын 30-ны өдөр "Хан-Уул дүүргийн 4 дүгээр хороо Нүхт Палас 1102-2 тоот эмэгтэй хүн хурдлаарай" гэх дуудлага мэдээлэл цагдаагийн байгууллагад бүртгэгдсэн байна. Дээрх мэдээлэлд зөрчил шалган шийдвэрлэх ажиллагаа явуулан 2023 оны 05 дугаар сарын 01-ний өдөр холбогдогч У.Цогтбаяраас холбогдогчоор мэдүүлэг авсан, 2023 оны 05 дугаар сарын 08-ны өдөр Зөрчлийн тухай хуулийн 5.2 дугаар зүйлийн 1 дэх хэсгийн 1.1 дэх хэсэг, Зөрчлийн тухай хуулийн 8.8 дугаар зүйлийн 1 дэх хэсгийн 1.1 дэх зааснаар Зөрчлийн хэрэг нээх тухай эрх бүхий албан тушаалтны тогтоол үйлдэж  Хан-Уул дүүргийн прокурорын газрын хяналтын прокурорт Зөрчлийн  2310000982 дугаартай зөрчлийн хэрэг нээн шалгаж байна.

У.Цогтбаяр нь нэг уухаараа 3-5 хоног үргэлжлүүлэн уудаг. Хуваарьт болон дундын өмч хөрөнгө эзэмших, ашиглах, захиран зарцуулах эрхэнд халдах зүйл байхгүй. Мөн хүсэл зорилгын эсрэг тодорхой үйлдэл хийхгүй байхыг албаддаг үйлдэл байхгүй гэж мэдүүлсэн байна.