Монгол-Хятадын экспод С.Амарсайхан тэргүүтэй албаны зочид, 500 орчим ААН, байгууллагын төлөөлөл оролцлоо
З.Батхуяг
Үйл явдал
/
2023-09-06
Жиргэх

Монгол-Хятадын дөрөв дэх удаагийн экспо БНХАУ-ын ӨМӨЗО-ны Хөх хотод болж байна. Уг үзэсгэлэн нь хоёр жилд нэг болдог бөгөөд дэлхий нийтийг хамарсан Ковид-19 цар тахлын улмаас тасалдаад байсныг ийнхүү сэргээж байна.

Экспоны гол зорилго нь хоёр улсын харилцаа хамтын ажиллагааг бизнесийн салбарт хөгжүүлэх, Монгол улсын жижиг дунд үйлдвэрлэл эрхлэгчдийн бараа бүтээгдэхүүнийг БНХАУ-ын зах зээлд экспортлоход дэмжлэг үзүүлэх, Засгийн газрын гол бодлогын нэг "МОНГОЛД ЗОЧЛОХ ЖИЛ" хөтөлбөрийн хүрээнд жуулчдын тоог өсгөх, худалдааны эргэлтийг нэмэгдүүлэх зэрэг давуу талтай юм.

 

Дөрөв дэх удаагийн үзэсгэлэн, экспо нь энэ жил Хөдөө аж ахуй, зам тээвэр, соёлын үйлдвэрлэлийн чиглэлд анхаарч байгаа тул нээлтийн арга хэмжээнд Монгол Улсын Шадар сайд С.Амарсайхан тэргүүтэй албаны зочид, бараа бүтээгдэхүүнээ танилцуулж, худалдаа эрхлэхээр дотоодын 500 орчим ААН, байгууллагын төлөөлөл оролцож байна.

Хөх хотод хоёр дахь удаагаа зохион байгуулагдаж буй Монгол-Хятадын дөрөв дэх экспод оролцож буй иргэн аж, ахуй нэгжийг Засгийн газрын хэрэгжүүлэгч агентлаг Жижиг дунд үйлдвэрийн газар, МҮХАҮТ -тай хамтран урьж оролцуулж байгаа аж. Уг Экспод Монгол Хятадын аж ахуй нэгжүүдээс гадна Солонгос, Герман, Итал, Англи, Индонез, Тайланд зэрэг орнууд өөр өөрсдийн брэнд бүтээгдэхүүнүүдээ танилцуулан оролцож буйгаараа илүү онцлог байлаа.

 

 

Сэтгэгдэл:
Таны IP: (3.15.229.111)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Автомашингүй өдрөөр хаасан авто замуудыг 18:00 цагт нээлээ

3 цаг 40 мин

НСНХ-ны Итгэлт хамба, байгаль далайн аялалтай хоршсон сургалт боллоо

Өчигдөр 19 цаг 30 мин

М.ЗОЛБОО: Найрамдал, Товчооны авто замыг шинэчилж, аюулгүйн тойрог, буцаж эргэх эргэлтүүдийг хийснээр Таван шарын нүхэн гарцын ажил бүрэн дуусна

Өчигдөр 16 цаг 06 мин