БОАЖЯ болон Ойн газар нь Рио Тинто Монгол ХХК, “Олон улсын байгаль хамгаалах нийгэмлэг” \ОУБХН\-тэй хамтран “Эрүүл ой” төслийг хэрэгжүүлж байгаа билээ. Төслийн хүрээнд EarthRanger программыг хөгжүүлж байгаа юм.

Өнөөдөр Earth Ranger платформоор дамжуулан биологийн олон янз байдал /амьтдын хөдөлгөөн, тархалт зэрэг/ болон хуулийн хэрэгжилтийн мэдээллийг бодитоор нэгтгэж, орон зайн мэдээллийг дүрслэн харуулахад талуудын саналыг сонслоо.

    ЗГХА Ойн газрын Ойн нөөцийн хэлтсийн Ойн зураглал хариуцсан мэргэжилтэн Б.Чүлтэм -Монгол орны ойн хөнөөлт шавжтай тэмцэх ажлыг үр дүнтэй явуулах, хянах зорилгоор Earth Ranger -ийг хэрхэн ашиглаж байгаа талаарх товч танилцуулгыг хийв. Мөн EarthRanger хөтөлбөрийг дэмжин ажиллаж буй 51 градус ХХК-аас мэдээллийн менежмент, бодит цаг үед цугларч буй мониторингийн мэдээг үндэсний түвшинд боловсруулж, хэрэгжүүлэх, ТХГ-ийн менежмент, болон үнэлгээтэй холбоотой мэдээллийг солилцлоо.

   51° багийн технологийн шийдэл хариуцсан дарга Сабир Абдулехман-Үндэсний хэмжээнд биологийн олон янз байдлын судалгааны мэдээлэл, хууль сахиулах хүчний мэдээллийг нэгтгэн, хянах болон хэрэгжүүлэх жишиг судалгааг Кени улсын жишээн дээр танилцуулав.

51° багийнхан нь Африкт царцааны тэмцэл, менежментийг EarthRanger-ийн тусламжтай хянаж, арга хэмжээ авч, ажиллаж байсан туршлагатай.