Онцгой байдлын ерөнхий газраас Монгол Улсын Шадар сайдын Ховд аймгийн Засаг даргатай байгуулсан үр дүнгийн гэрээний дагуу “Гамшгаас хамгаалах команд штабын сургууль”-ийг энэ сарын 26-28-ны өдрүүдэд зохион байгуулахтай холбогдуулан ажлын хэсэг тус аймагт ажиллаж байна.

Ажлын хэсгийн бүрэлдэхүүн тус аймгийн Онцгой байдлын газрын Зэрэг сум дахь Гал түймэр унтраах, аврах 70 дугаар анги, Манхан сум дахь Эрэн хайх, аврах салбарын үйл ажиллагаатай танилцаж, сургуулийн талаар мэдээлэл өглөө.