Сонгинохайрхан дүүргийн Засаг даргын 2023 онд хэрэгжүүлэх арга хэмжээний төлөвлөгөө, “Боловсрол” төслийн хэрэгжилтийн хүрээнд ерөнхий боловсролын 27 сургуулийн захирал, нийгмийн ажилтан, сэтгэл зүйчдийн дунд туршлага солилцох сургалт боллоо.

Сургалтыг 2022-2023 оны хичээлийн жилд Ерөнхий боловсролын сургуулийн орчинд хүүхдийн эрүүл аюулгүй орчинд амьдарч, сурч боловсрох, хамгаалагдсан эрх зөрчигдөх, хүүхдийн эсрэг гэмт хэрэг, үе тэнгийн дээрэлхэлтийн тоо ихэссэнтэй холбогдуулан ЕБС-ийн удирдлагуудад сэтгэл зүйч ажиллуулах ач холбогдлыг таниулах болон ажиллаж байгаа сэтгэл зүйчдийг чадавхжуулах, мэргэжлийн ур чадварыг нэмэгдүүлэх зорилготой зохион байгууллаа.

Тус арга хэмжээнд Сонгинохайрхан дүүргийн ЗДТГ-ын Нийгмийн хөгжлийн хэлтэс, Боловсролын хэлтэс, “Дэлхийн зөн-Монгол” Сонгинохайрхан орон нутгийн хөгжлийн хөтөлбөр, Сэтгэл зүйн сургалтын төв, Хувь хүний хөгжлийн сургалтын төвийн багш нар хамтран Ерөнхий боловсролын сургуулиудын захирал, нийгмийн ажилтан, сэтгэл зүйч нар оролцсон юм.