Сонгинохайрхан дүүргийн 40 дүгээр хорооны төв замаас Баянхошуу 32 дугаар гудамж 67 тоот хүртэл 516 метр авто зам тавихаар боллоо. Тус авто зам явган хүний зам, гэрэлтүүлэгтэй цогц бүтээн байгуулалттай болох юм.

Энэ жилийн хувьд Сонгинохайрхан дүүрэг гэр хороолол дундуур авто зам түлхүү тавих зорилтыг дэвшүүлэн ажиллаж байна. Гэр хорооллын нийт 28 байршилд Нийслэлийн төсвийн хөрөнгөөр, 5 байршилд дүүргийн төсвийн хөрөнгөөр авто зам тавихаар зураг төслийн ажил хийгдэж дуусаад байна. Хэд хэдэн байршилд авто замын ажил эхлээд буй. Эдгээр авто замууд ашиглалтад орсноор төв замын түгжрэл буурах, иргэдийн ая тухтай, эрүүл, аюулгүй орчинд амьдрах нөхцөл бүрдэх юм.