Сонгинохайрхан дүүргийн Засаг даргын Тамгын газраас хүн амыг эрүүл ахуйн баталгаатай хүнсээр жигд, хүртээмжтэй, тогтвортой хангаж, эрүүл аж төрөх нөхцөлийг бүрдүүлэх зорилгоор “Эрүүл орчин-Эрүүл хүнс” аяныг зохион байгуулж байна. Тус аяны хүрээнд Хөдөө аж их сургуулийн багш Ж.Оюунгэрэл /Ph.D дэд профессор/-тэй хамтран “Хүнсний ногооны тариалалтын технологи" сэдвийн хүрээнд сургалтыг зохион байгуулав. Сургалтад дүүргийн өрхийн тариалан эрхлэгчид хамрагдаж, эко хүнсний ногоог хэрхэн тарих, хүлэмжийн ногоог арчлах, ургуулах зэрэг мэдлэгийг олж авлаа.