Тус аяны нээлт энэ оны 03 дугаар сарын 16-ны өдөр Хан-Уул дүүргийн цагдаагийн газраас “Соёл түгээгч” уриатайгаар эхлэж байна. Нээлтийн арга хэмжээнд Нийслэлийн цагдаагийн удирдах газрын дэд бөгөөд Захиргааны удирдлагын газрын дарга, цагдаагийн хурандаа Ц.Сугаржав, Хүний нөөц, сургалтын хэлтсийн дарга, цагдаагийн хурандаа Б.Бат-Амгалан, Дотоод аюулгүй байдлын хэлтсийн дарга, цагдаагийн дэд хурандаа Б.Батзориг, Хан-Уул дүүргийн цагдаагийн газрын дарга, цагдаагийн хурандаа Т.Дамбийням болон харьяа хэлтсийн удирдлагууд, томилгоотойгоос бусад алба хаагчид хамрагдлаа.

 

Хан-Уул дүүргийн цагдаагийн газраас “Соёл түгээе” аяны хүрээнд “Хувь хүний соёл”, “Харилцааны соёл”, “Байгууллагын соёл”, “Дүрэмт хувцасны соёл”, “Замын хөдөлгөөний соёл” сэдвүүдийн хүрээнд видео контент бэлтгэн алба хаагчдад танилцуулж сэдэв тус бүр дээр хэлэлцүүлэг өрнүүллээ. Хэлэлцүүлгээр аяны зорилготой холбоотойгоор дүрэмт хувцасны зөрчилгүй, алдаагүй бичдэг, замын хөдөлгөөний соёлтой, харилцааны соёлтой, цэрэгжилч, жагсаалч хамт олон болох, санал, санаачилгууд алба хаагчдаас гарсан юм.

 

Мөн аяны хүрээнд тус цагдаагийн газраас алба хаагчдынхаа дунд “Соёл түгээгч алба хаагч, хэлтэс” шалгаруулах болзолт уралдаан зохион байгуулахаар шийдвэрлэн удирдамж, төлөвлөгөөг танилцууллаа.

Хан-Уул дүүргийн цагдаагийн газраас төв, орон нутгийн цагдаагийн газар, хэлтсийн нийт алба хаагчдад хандан “Соёл түгээгч” хамт олон болох уриалгыг дэвшүүлж байна.