"Улаанбаатар бүсчилсэн хөгжил" форум төрийн ордонд боллоо. Нийслэлийн Засаг даргын Тамгын газраас санаачлан зохион байгуулсан уг үйл ажиллагаанд Засгийн газрын гишүүд, нийслэлийн удирдлагууд, НИТХ-ын төлөөлөгчид, өмнөх засаг дарга нар, 9 дүүргийн удирдлагууд оролцлоо. Энэ үеэр Налайх дүүргийн Засаг даргын тамгын газрын дарга Ж.Алтангэрэлээс байр суурийг нь тодрууллаа. Тэрбээр "Улаанбаатар хот өдрөөс өдөрт тэлж хөгжиж байна. Хүн амын хэт төвлөрөлийг задлахын тулд захын дүүргүүдээ хөгжүүлэх нь зүй. Налайх дүүрэг бол иргэн бүртээ хүрч үйлчилдэг онцлогтой. Хотоос Багануур, Багахангай, Налайх гурван дүүргээ хөгжүүлж, үйлдвэрлэл үйлчилгээ, худалдаа, аялал жуулчлал чиглэлээр дэмжвэл бидэнд хөгжил бүрэн боломж бий" гэлээ.