Mонгол Улсын Хөдөлмөрийн баатар, Төрийн шагналт Ардын жүжигчин Д.Лувсаншарав агсны нэрэмжит хүүхдийн найрал дууны шилдэг хамтлаг шалгаруулах нэгдүгээр шатны уралдаан боллоо.

Нийслэл Улаанбаатар хот үүсгэн байгуулагдсаны 385 жилийн ой, өсвөр үеийнхэнд урлаг, уран сайхны боловсрол олгох, гоо зүйн хүмүүжлийг төлөвшүүлэх, хүүхэд бүрийн авьяас чадварыг хөгжүүлэх зорилгоор Нийслэлийн Засаг даргын ивээл дор уламжлал болон зохиодог “Хүүхдийн найрал дууны шилдэг хамтлаг” шалгаруулах 30 дахь удаагийн уралдааныг энэ сарын 15-ны өдөр дүүргийн Хүүхэд залуучуудын театрт зохион байгууллаа.

Тус уралдаанд дүүргийн ерөнхий боловсролын 22 сургуулийн 1000 гаруй хүүхэд, багачууд оролцож авьяас, чадвараа сорив.