УИХ-аар Сонгуулийн тухай хуулийг хэлэлцэж буй билээ. Дээрх хуулийн төсөлд улстөрийн намууд дахь эмэгтэйчүүдийн квот 40 хүртэлх хувийг эзэлнэ гэж тусгасныг Төрийн байгуулалтын байнгын хорооны санал хураалтаар дэмжээгүй унагасан заалтыг чуулганаар дэмжжээ.

Байнгын хороонд унасан дээрх санал УИХ-ын чуулганы хуралдааны үеэр дэмжигджээ. Улстөр дэх эмэгтэйчүүдийн квот аль ч улстөрийн хүчинд 40 хувийг эзэлнэ гэсэн хуулийн заалт батлагдчихлаа. Ингэснээр 2024 оны УИХ-ын сонгуульд оролцох нам эвслүүд жагсаалт болон тойргийн нэр дэвшигч нараа 40 хувь нь эмэгтэйчүүдэд олгох болж байна. Дээрх саналыг УИХ дахь АН-ын бүлэг, Эмэгтэйчүүдийн бүлгээс гадна УИХ-ын дарга Г.Занданшатар, ХҮН намын дарга Т.Доржханд, сайд Ж.Сүхбаатар нар дэмжжээ.