Иргэдэд эрүүл мэндийн боловсрол олгох,  үзлэг оношилгоо, шинжилгээ, тусламж үйлчилгээг цогцоор нь хүргэх  Эрүүл мэндийг дэмжих төвийг 2022 оны гуравдугаар  сард ашиглалтад оруулав.   Тус төвийг  ашиглалтад  оруулснаар БОЭТ-ийн ачааллыг бууруулж, орон даяар эхэлсэн эрт илрүүлэг, урьдчлан сэргийлэх үзлэг оношилгоо, шинжилгээг нэг дор цогцоор нь үзүүлэх боломжийг бүрдүүлсэн юм. 

   Тодруулбал, Монгол Улсын Засгийн газраас нийгмийн эрүүл мэндийн тогтолцоог сайжруулах, хүн ардаа өвдөхөөс нь өмнө урьдчилан сэргийлэх, эрт илрүүлгийг 2022 оны тавдугаар сарын 1-ний өдөр эхлүүлсэнтэй холбоотойгоор нийслэл, 21 аймагт Эрүүл мэндийг дэмжих төвийг байгуулж эхэлсэн. 

Орхон аймаг  энэхүү ажлыг манлайлж  тус төвийг байгуулснаар эрт илрүүлэг, урьдчилан сэргийлэх үзлэг оношилгоо, шинжилгээг иргэдэд чирэгдэлгүй, шуурхай үзүүлж эхэлсэн юм. 
Тус төвийг байгуулах их засварт Эрүүл мэндийн яамнаас 180 сая,  орон нутгийн төсвөөс 280 сая төгрөгийн санхүүжилтийг шийдвэрлэж, улсын төсвийн 1,5 тэрбум төгрөгийн өртөг бүхий ясны сийрэгжилтийг оношлох, биеийн ерөнхий үзүүлэлтүүдийг тодорхойлох Танита аппарат, нүдний хараа шалгах, оношлох автомат таблиц, чих, хамар, хоолойн иж бүрэн аппарат зэрэг 34 нэр төрлийн   тоног төхөөрөмжөөр бүрэн хангасан. 

Тус төв ашиглалтад орсноор  орон нутагт шинээр 16 байр ажлын   байр бий болсон.