Налайх дүүргийн иргэдийн Төлөөлөгчдийн Хурлын Ажлын алба, Хүүхэд, гэр бүл, хөгжил хамгааллын хэлтэстэй хамтран "Тэвэр дүүрэн сэтгэл" ТББ-ын тэргүүн Сэтгэлзүйч Б.Батчимэг "Өөрийгөө халамжлах нь" сэдэвт сургалтыг албан хаагчдын дунд зохион байгууллаа.
Сургалтаар сэтгэл зүйн эрүүл мэнд нь бүтээмж, оролцоо, сайн сайхан байдалд маш чухал ба сэтгэцийн эрүүл мэндийг дэмжих нь ажлын бүтээмж буурах, идэвхгүй болох, ядрах зэргийг бууруулж, бүтээлч байдал, ажлын сэтгэл ханамжийг нэмэгдүүлдэг байна. Сэтгэл санааны хувьд сайн байгаа ажилтан хариуцсан ажилдаа илүү төвлөрч, ажлын таатай орчинд хувь нэмрээ оруулдаг талаар дэлгэрэнгүй танилцуулав. Түүнчлэн сэтгэцийн эрүүл мэндийн асуудлыг нэн тэргүүнд тавих нь хувь хүний гүйцэтгэлийг сайжруулаад зогсохгүй хамтын ажиллагааг сайжруулж, эрүүл мэндийн зардлыг бууруулж, байгууллагын урт хугацааны амжилтад нөлөөлдөг тухай сонирхолтой мэдээлэлтэй сургалт боллоо.