Налайх дүүргийн Цагдаагийн хэлтэс, Хүүхэд, гэр бүлийн хөгжил, хамгааллын хэлтэс, Goodneighbors олон улсын төрийн бус байгууллагатай хамтран Налайх дүүргийн 8 хорооны хамтарсан багийн гишүүдийн хуулиар хүлээсэн чиг үүргээ хэрэгжүүлэхэд мэргэжлийн ур чадвар, эрх зүйн мэдлэгийг дээшлүүлэх, харилцан туршлага солилцох, салбар дундын уялдаа холбоо, хамтын ажиллагааг хөгжүүлэх, хамтарсан багийн үйл ажиллагаанд үнэлгээ өгөх зорилгоор “Хамтарсан багийн гишүүдийг чадавхжуулах” сургалтыг 2024 оны 11 дүгээр сарын 15-ны өдөр зохион байгууллаа.

Сургалтаар Хүүхдийн тусламжийн 108 утсанд ирэх дуудлага мэдээллийн шийдвэрлэлт, Хүүхэд хамгааллын тухай хуулийн шинэчилсэн найруулгын танилцуулга, Кейс менежмент, Цахим орчин дахь хүүхэд хамгаалал, Стресс менежмент зэрэг сэдвээр мэдээлэл хүргэлээ.

Мөн “Асуудал шийдэл” асуулт, хариулт ур чадварын тэмцээн зохион байгуулж, 1-р байранд 3 дугаар хороо, 2-р байранд 4 дүгээр хороо, 3-р байранд 1 дүгээр хорооны хамтарсан баг шалгарч, Өргөмжлөл гардуулсан.