Монгол Улсын Засгийн газрын ээлжит бус шуурхай хуралдаанаас хэлэлцсэн асуудлаа олон нийтэд танилцуулахдаа шадар сайд Л.Гантөмөр, Т.Доржханд нарыг баруун зүүн гартаа зогсоон бараа болгож Ерөнхий сайд Л.Оюун-Эрдэнэ ард түмэндээ хандаж мэдээлэл хийлээ. Тэрбээр Үндэсний баялагийн санд хуриимтлагдсан мөнгө ДӨРВӨН ИХ НАЯДАД хүрсэн бол хуримтлалын санд 495 тэрбум төгрөг цугларсан. Үүнийг иргэн бүрд хуваавал 135 мянган төгрөг оногдож байгааг хэлэв.

Үүний дараа УИХ-ын гишүүн, Засгийн газрын гишүүн Байгаль орчин, уур амьсгалын өөрчлөлтийн сайд С.Одонтуяа шинээр байгуулагдсан “Орчны бохирдлын үндэсний хороо”-ны хийж хэрэгжүүлэх асуудлыг цухас дурдав. Тэрбээр ярихдаа “Тавантолгой түлш компанийн сайжруулсан шахмал түлш үүргээ гүйцэтгэсэн. Одоо бол хоцрогдсон тул дунд хугацаандаа бид Багануурын уурхайг түшиглэн хагас коксжсон нүүрс буюу “ХӨХ НҮҮРС”-ийг хэрэглээнд нэвтрүүлнэ. Энэ үйлдвэр 2025 оны эхний улиралд 100 гаруй мянган тонн нүүрсийг үйлдвэрлэх хүчин чадалтай” гэв.