Засгийн газрын тэргүүний шууд зааварчилгаагаар “Эрдэнэс Монгол” ХХК-ийн гүйцэтгэх захирал, улстөрч Дамдины Хаянхярвааг Авлигтай тэмцэх газраас гэнэт шалган саатуулсан гэх мэдээ хэвлэлүүдээр хөврөх боллоо. Зураг хөргийг нь ил цацаж, прокурорын зөвшөөрөлгүйгээр шууд гүйцэтгэх ажиллагаа явуулсан байв.  Яг л 1930-д оны их хэлмэгдүүлэлтийн орчин цагийн шинэ хувилбар гэлтэй. Үүний цаана улстөрийн айхтар ӨШ ХОНЗОН л уншигдаад байгаа юм. Ерөнхийлөгч асан Халтмаагийн Баттулгаас эхлэлтэй ШИНЭ ЦАГИЙН ХЭЛМЭГДҮҮЛЭЛТИЙН  гол золиос нь Д.Хаянхярваа болчихлоо гэж учир мэдэх хүмүүс ярьж, бичиж нь үнэний ортой ч байж болох.

УИХ-дахь МАН-ын бүлгийн дарга байхад л түүнийг өөлж, гоочилж, ямар нэг аргаар буруутан болгох гэж их үзсэн. Бүүр намаасаа хасах ч гэж ч оролдсон. Мань хүн ч мөчөөгөө өгөөгүй, эсэргүүцэн тэмцсэн. Одоогийн Ерөнхйилөгч У.Хүрэлсүхтэй хамт авахуулсан өнөөх ҮНСЭЛТ гэх зургийг харахад л юу болж өнгөрсөн нь шууд нүдэнд үзэгдэнэ. Угаас шазруун, буурьтай, хатуу ширүүн үгтэй, хашир туршлагатай улстөрчийг ийм аргаар номхотгох гэж оролддог. Зарчимтай, зангартай, за гэвэл ёо үгүй хэлсэндээ хүрдэг цөөн хэдэн улстөрчийн нэг бол Д.Хаянхярваа. Хонгор сумыг хордуулсан гэх зэргээр сайн муу, нэр хоч зүүж өнөөгийн ДАРХАН ХОТЫГ суурингийн дайтай суурин болоход түүний зөв бодлого, холч ухаан, зарчимч байдал ихээхэн нэмэр болсон нь гарцаагүй.

Нэгнийгээ ядарсан дээр нь харанхуй ангал руу түлхдэг МУУХАЙ ЗАН сүүлийн үеийн улстөрчдөд зохихоо байсан гэдгийг МАН-ын дарга, Ерөнхий сайд Л.Оюун-Эрдэнэ одоо эрх биш ойлгох байлгүй дээ. Оюук сайд бол угаас ТҮГЖИЛ гар гэдгийг М.Энхболдыг ЯНАГЛАН ХОРЛОСОН үйлдлээс нь тодорхой харж болно. Нэгэнт бүх эрх мэдлийг гартаа авчихсан тэр замдаа тээглэсэн бартаа саад бүхнийг хуулийн хүчээр зайлуулах бодлого баримтлаж байгааг Д.Хаянхярваагийн хэлмэгдэлтээс харж болно.

“Эрдэнэс Монгол” дахь хууль бус үйлдэл, булхай луйвар бүхнийг задлаж, хуулийнханд шалгуулахаар хандсан түүнийг өөрийг нь буруутан болгож, нийгмийн дайсан мэт харагдуулж, ЭЗЭНГҮЙ ХЭРЭГ ТОХОХ хуучин технологио дахин ашигласан нь харамсалтай. Дамдины Хаянхярваа бол та нарын дэргэд хийсэн бүтээсэн зүйлтэй, хэлэх үгтэй, нүүр бардамж, нүдний хараа цэгц шулуун эр хүн. Хашир улстөрч. Худал хуурмагтай эвлэрдэггүй, тэсэрдэг зан дээр хуулийн аргаар ХЭРЭГ ТОХОХ гэж байгаа чинь МУУХАЙ ХАРАГДАЖ БАЙНА , Ерөнхий сайд аа!!!!