Боловсрол, шинжлэх ухааны сайд Л.Энх-Амгалан дараах мэдээллийг өглөө. Тэрбээр “Цахимаар үүссэн хоцрогдлыг цахимаар нөхнө гэж худлаа. Цахимын хоцрогдлыг танхимаар л нөхнө. 2-12 дугаар ангийн сурагчдаас аль хичээл дээр илүү хоцрогдсоныг нийт сурагчдын 10 хувьд оношилгоо хийж дууссан. Үүнд дүгнэлт хийж ирэх долоо хоногоос хоцрогдлыг хэрхэн нөхөх талаарх хөтөлбөрүүдийг хэрэгжүүлж эхэлнэ. Хичээлийн хоцрогдлыг арилгах хөтөлбөрт тэтгэврийн багш нараа дайчилна. Цахимаар хичээллэхэд аав, ээжүүдийг нь хамт байлгаж байж хүүхдүүдэд үр дүн гарна. Нэгдүгээр сарын 1-нээс хэрэгжих Хөдөлмөрийн шинэ хуульд ийм зохицуулалт орсон. 0-12 насны хүүхэд нь цар тахлын улмаас цэцэрлэг, сургуульд явж чадахгүй байгаа хүүхдүүдийн эцэг, эхийг цахимаар ажиллуулах тухай шийдэл хэрэгтэй” гэв.