Хоёрдугаар сарын 6-ны өдрийн үүрээр Туркт болсон газар хөдлөлтийг сурвалжилж байсан сэтгүүлч залуу шууд дамжуулалтаа орхин бяцхан охины амийг аварчээ. Газар хөдлөлт хоёр удаа болсон бөгөөд эхний хөдлөлт дээр сэтгүүлч залуу гудамжинд гаран шууд дамжуулалт буюу лайв эхлүүлсэн байна.

Тийнхүү шууд дамжуулалт үргэлжилж байх үед газар хөдлөлтийн хоёр дахь чичирхийлэл мэдрэгдэж, зарим байшин барилга нурж эхэлжээ. Энэ үед сэтгүүлч залуу нурж буй барилгын дэргэд зогсож байсан ээж охин хоёр руу бүх хурдаараа гүйсэн байна.

Тус үйл явдлыг зураглаач хальснаа буулгаж амжсан бөгөөд залуу охиныг тэврэн аюулгүй газарт хүргэхээр явж буйг бичиж амжжээ. Сэтгүүлч залуу учрыг үл ойлгон айж, сандарсан ээж охин хоёрт тайван байхыг сануулж, тайвруулж байв.

Сэтгүүлч залуугийн хувьд Туркийн “A News”-ийн сурвалжилагч Юксел Акалан байжээ.  ЭНД дарж үзнэ үү