Монгол Улсын “Хүн амын нутагшилт, суурьшлын хөгжлийн ерөнхий төсөл”-ийн төлөвлөлтийн шийдлийг олон нийтээр хэлэлцүүлж байна. Хэлэлцүүлгээр олон нийтээс ирэх санал, оновчтой шийдлийг төсөлд тусган хот байгуулалтын салбарын урт хугацааны нэгдсэн бодлогын баримт бичигт тусгаж, боловсронгуй болгоход чиглэгдэж байгаа юм.

Хэлэлцүүлгийг Барилгын хөгжлийн төвийн БНХСТХ-ийн хэлтсийн дарга С.Даваанямаар ахлуулсан Барилга, хот байгуулалтын яам, ГЗБГЗЗГ-тай хамтарсан баг Дорноговь аймгийн Сайншанд суманд хоёрдугаар сарын 7-ны өдөр зохион байгууллаа. Өнөөдөр Өмнөговь аймагт хэлэлцүүлэг болж байгаа бол цаашид Дундговь, Архангай, Өвөрхангай, Баянхонгор, Дархан, Сэлэнгэ гээд бусад аймгуудаар хэлэлцүүлгийг өрнүүлэх юм.