Архивын Ерөнхий газраас 2020 оны 12 сарын 10-нд Нийслэлийн улсын бүртгэлийн газрын Голомт банкны 1135004534 тоот данс руу 70 сая 360 мянган төгрөгийг гудамж талбайн хаяг өөрчлөх үйлчигээний төлбөр хэмээн шилжүүлжээ. Тус байгууллагын ШИЛЭН ДАНСНЫ МЭДЭЭЛЭЛД 70 сая 360 мянган төгрөгийг “гудамж талбайн хаяг өөрчлөх үйлчилгээний зардал” гэсэн утгатайгаар гүйлгээ хийжээ.

 Үндэсний архивын газар ийм жижиг аж ахуйн ажилд оролцох байгууллага мөн үү гэдэг асуулт яах аргагүй урган гарна. 2020 оны 12 дугаар сард Монгол улсад коронавирусийн цар тахлын дотоодын халдвар дэгдчихсэн, Бүх нийтийн өндөржүүлсэн бэлэн байдалд шилжээд байсан үе. Иргэдийг гэрээсээ гарахгүй байхыг анхааруулж, бүх аж ахуй нэгжүүд үүд хаалгаа бариад ХОРИОНД орчихсон тэр цаг үед ГУДАМЖ ТАЛБАЙН НЭР ХАЯГИЙГ төрийн байгууллагууд өөрчилсөн гэхэд итгэхэд бэрх юм.

Үнэхээр тийм ажил хийсэн юм бол ХААНАХЫН АЛЬ ХЭСГИЙГ, АЛЬ ДҮҮРГИЙН ХЭДДҮГЭЭР ХОРООНЫ ямар байшин, хашааны НЭР ХАЯГИЙГ ӨӨРЧИЛСӨН юм бэ гэдгийг Архивын газрын дарга ноён С.Энхбаатараас ТОДРУУЛАХСАН.